繼續撒野的香港粵語 Hip Hop——Matt Force

  • posted May 15, 2021

對於我呢位熱愛舊學校 hip hop 亦熱愛粤語文化的80後來講，今時今日呢兩種文化彷彿漸漸地被埋沒於歷史洪流之中，想起難免會有啲傷感。但好彩喺香港同廣州有一班年輕人重會堅持以粤語（母語）為主要語言創作，不為市場需求而妥協。

可能有好多朋友都會覺得 LMF 或農夫之後就冇香港粤語 hip hop 文化。其實一直都有，而且重不斷進化緊，但圈子不大。

（圖： LMF 臉書）

喺 2019 年 LMF 成立二十周年時，有特別召集10隊香港本土 Indie Band 與10位 Rapper 去重新演繹 L 記過去的作品。10位新舊世代 Rapper 湊埋一齊，Remix 了03年收錄在《Finalazy》專輯裡面的 <WTF>。LMF 靈魂人物 Davy大飛 就Sample 了呢首歌最經典的 Intro，再讓10位 Rapper 以 Cypher 形式各自去說唱出呢首《W.T.F.H.K》。

而其中亦是打頭陣的 Rapper 「Matt Force」，就係今次我要介紹俾大家認識的主角。Matt Force 喺嚟自香港地下廠牌 Wild$tyle Records（撒野作風）裡面其中的骨幹成員。Wild$tyle Records 可以話喺人才濟濟，最出色無疑係創辦人之一的 YoungQueenz。 (下次有機會再介紹呢一位將粤語 Boombap 同 Trap 帶到去另一層次的 Rapper）

（圖： Matt Force 臉書）

講返 Matt Force，2019年5月中推出了個人同名專輯《Matt Force》並一手包辦作詞、取樣制 Beat 與混音。風格以 Lo-fi、Boombap 為主，絕對喺呢個 Trap New Wave 大行其道的年代裡面的一股清流，完全唔隨波逐流，絕不嘩眾取寵；就如 Matt Force 本人一樣，風格非常低調，喺眾人皆醉我獨醒的最佳代表。

我大概兩年前就聽過專輯裡面其中一首歌 <死亡香>。由 Matt Force 與廠牌創始 YoungQueenz 及 GrymeMan 三位 Rapper 以香水比喻現實，探討上癮與抉擇的死亡哲學，將歌詞昇華到哲學層面，實在好癡線下。當時聽 <死亡香> 最震撼我嘅就喺歌詞部份：

香水有毒 令你力竭聲嘶

芬香撲鼻 I think I needa think twice

失去水分 被抽乾嘅屍體

玫瑰上嘅刺 永遠留低係你肢體

當時我就已經非常驚訝，YoungQueenz 之後又多一位令我驚豔的新世代 Rapper，而且重喺同一廠牌。當時就諗呢班年輕人不得了，完全將粤語饒舌帶到去一個全新階段。Matt Force 以「末世」為題，唏噓道出現今正身處於一個極無奈的環境底下，年輕人已難再睇到一個美好的未來，但還期望一口能夠呼吸的空氣。可能就喺咁，因為亂世與壓逼，所以令到一班比生長於所謂「美好」環境的年輕人更「成熟識諗」，並磨練出一手好詞與態度。

就以下其中歌詞為例 ，出自專輯唯一有 Music Video 的歌曲 <告別> 。MV 裡面一班年輕人（由 Wild$tyle Records 眾成員演繹）身穿黑色西裝，手握雨傘，慢慢地出現在墳前，放下白色玫瑰的畫面，彷彿在與自由「告別」。

No, you gotta go
拍著翅膀嘅佢哋帶你哋飛得更高
離開人間地獄 瀰漫住臭腥味嘅 dough
money 好似 honey
人類好似蜜蜂 killa beez going crazy
你捅我一刀 我捅你一刀
eye for an eye 直至雙眼再睇唔到
當世界有病 根本無得醫
C’est la vie
重新洗牌滿足我嘅 fantasy
亦慶幸你哋一早返上天家
2018 而家 世界太過 fucked up
同我嘅想像有偏差
太多喧嘩 太多奴隸 太多犬馬
太多蒙蔽 睜開雙眼睇下
呢個世界幾咁 fucked up 每個人抑鬱
鬱鬱不得志嘅我哋已經準備消失
離開傷心地 我哋傷心地離去
再無辦法擁抱最心愛 只剩低零碎
要去建立新嘅規則 我當係責任
幾多辛酸 幾多低泣
無看在眼內 放喺心 將佢沉澱放喺作品
當我知道閃耀住嘅係眼淚 唔係黃金

蜜蜂先生

ManHanD 慢行隊長；富都播客主持；粤语說唱狂熱份子，極愛粤语文字遊戲，時常游走於韵與律之間，著迷於懒與慢的空間。